Ən yaxşı qadın futbolçu da məlum oldu - FOTO

Lent.az-ın məlumatına görə, 24 yaşlı “sambaçı” ardıcıl 5-ci dəfə FİFA-nın fəxri mükafatını alıb.

Belə sabit uğur onun inanılmaz driblinqi və fantastik qol duyumu sayəsində mümkün olub. Səslərin 38,2 faizini yığan Marta almaniyalı Fatmirə Bayramayla (15,18 faiz) Birgit Prinsi (9,96 faiz) qabaqlayıb.

Qeyd edək ki, Marta 2004 – 2008-ci illərdə İsveçin “Umeo” klubunda çıxış edib. O, 103 matçda 111 qol vurub. 2009-cu ildə “sambaçı” ABŞ-ın “Los-Anceles Sol” komandasına keçib, 11 qolla ən yaxşı bombardir və mövsümün oyunçusu sayılıb. 2009-cu il avqustun 1-də Marta Braziliya “Santos”una 3 aylıq icarəyə verilib. Futbolçu bu komandada 14 matçda 26 dəfə fərqlənib. 2010-cu ilin fevralında Marta “Qold Prayd”a yollanıb, 24 oyunda 19 qol vurub. Braziliya yığmasında isə o, 53 oyunda 54 dəfə fərqlənib.