Unibank Premyer Liqası dünyada 86-cıdır

Lent.az-ın məlumatına görə, 125 ölkənin yer aldığı siyahıda Azərbaycan çempionatı da var.

241 xala malik Unibank Premyer Liqasının səviyyəsi 86-cı pillədə olmağa çatıb. Bu göstərici ilə ölkəmiz keçmiş SSRİ respublikalarından Latviya (230,5 xal, 91-ci yer), Qazaxıstan (185 xal, 103-cü yer), Tacikistan (142 xal, 114-cü yer) və Qırğızıstanı (99 xal, 125-ci yer) üstələyə bilib. Ukrayna (709 xal) 10-cu, Rusiya (660 xal) 14-cü, Belarus (434 xal) 33-cü, Moldova (384 xal) 38-ci, Gürcüstan (375,5 xal) 40-cı, Estoniya (313 xal) 60-cı, Özbəkistan (307,5 xal) 62-ci, Ermənistan (256 xal) 80-ci, Litva (252,5 xal) 81-cidir. Türkmənistan çempionatı isə siyahıya düşməyib.

Siyahıya 1092 xalla İspaniya başçılıq edir. İngiltərə 1039 xalla 2-ci, İtaliya 1021 xalla 3-cü, Braziliya 982 xalla 4-cü, Almaniya 932 xalla 5-ci, Fransa 884 xalla 6-cı, Argentina 861 xalla 7-ci, Portuqaliya 789,5 xalla 8-ci, Hollandiya 787,5 xalla 9-cudur. Türkiyə Superliqası isə 596 xalla 19-cu pillədə qərarlaşıb.