“Neftçi”də yeni məşqçi - FOTO

Lent.az-ın klubun rəsmi saytına istinadən verdiyi məlumata görə, flaqman üzvləri bu gün Bakı vaxtı ilə saat 13:00-da Antalyanın Kundu qəsəbəsində yerləşən "Titanik" otelində məskunlaşıblar.

Toplanışın ilk günündə flaqman otelin stadionunda ilk məşqinə çıxacaq. Yerli vaxtla saat 18:15-də start götürəcək hazırlıqda futbolçular qızışdırıcı hərəkətlər, kross, koordinasiya və digər hərəkətlər üzərində çalışacaqlar.

Fiziki hazırlıq üzrə təlimlərdə “Neftçi”yə türkiyəli mütəxəssis Mehmet Ak yardım edəcək. Bir neçə gün əvvəl “Qalatasaray”ın düşərgəsində olan baş məşqçi Arif Əsədov Akla görüşərək fikir mübadiləsi aparıb. Türkiyəli məşqçinin işi “Neftçi” rəhbərliyini və məşqçilər korpusunu razı salsa, onunla işbirliyinin davam etdirilməsinə baxılacaq.

Qeyd edək ki, Mehmet Ak əvvəllər “Qarabağ”ın fiziki hazırlıq üzrə məşqçisi olub.