“Bakı”ya türkiyəli mütəxəssis gəldi - FOTO
08 yanvar 2011 14:42 (UTC +04:00)

“Bakı”ya türkiyəli mütəxəssis gəldi - FOTO

Lent.az-ın klubun rəsmi saytına istinadən verdiyi məlumata görə, paytaxt komandasının bazasında reallaşdırılan analizləri İzmirin Ege Universitetinin idman təhsili kafedrasından dəvət edilmiş mütəxəssis doktor Faruk Turqay götürür.

Əvvəlcə əvəzedicilər, ardından 17 yaşlılardan ibarət komandanın üzvləri analoji testlərdən keçiriliblər. Yoxlamaların ikinci günü sürət və cəldlik vərdişi üzrə hesablama testi aparılacaq.

Azərbaycanda ilk dəfə analoji testlər ötən ilin avqustunda 14 yaşlılar və əvəzedicilərdən götürülüb. Faruk Turqayın sözlərinə görə, bu testin nəticələri ilə ötən testin nəticələri müqayisə ediləcək. Beləliklə, 6 ay ərzində baş vermiş dəyişikliklər analiz olunacaq. Testlərin nəticələrinə əsaslanaraq hər bir futbolçunun fiziki gücü və əzələ yüklənmələri təyin ediləcək. Bununla da hər bir yeniyetmədə bədənin qəbul etdiyi normadan artıq yüklənmə baş verməyəcək.

Qeyd edək ki, testlərin yekun nəticələri bir neçə gün ərzində açıqlanacaq.
# 527

Oxşar yazılar