“Neftçi” futbolçusu “Everton” klubuna keçib

Lent.az-ın verdiyi məlumata görə, bu barədə bu gün keçirilən mətbuat konfransında “Neftçi” klubunun vitse-prezidenti Tahir Süleymanov məlumat verib.

Tahir Süleymanov deyib ki, Araz Abdullayev fevralın 15-ə qədər xüsusi proqram üzrə hazırlaşacaq, fevralın ikinci yarısında isə “Everton” klubunun düşərgəsinə yollanacaq. O, müqavilənin müddətini açıqlamayıb. Bununla belə, Tahir Süleymanov anlaşmanın uzunmüddətli olduğunu bildirib.

“Neftçi” klubunun vitse-prezidenti qeyd edib ki, “Everton” klubu ilə qarşılıqlı razılaşma yolu ilə Araz Abdullayev “Neftçi”nin heyətində məşq edə və icarə əsasında oyunlarda iştirak edə biləcək: “Biz belə razılığa gəldik ki, “Everton” Araz Abdullayevi icarəyə versə, yalnız “Neftçi”yə versin. Hazırda bizdə Flavinyo zədəli olduğundan onun mövqeyində Araz Abdullayevi oynatmaq istəyirik. Araz Abdullayev bizə fevralda keçiriləcək Unibank Premyer Liqası matçlarında kömək edə biləcək”.

Tahir Süleymanov onu da qeyd edib ki, gələcəkdə “Everton”un düşərgəsinə ən azı 2-3 futbolçu da göndəriləcək.

Elşən