“Rabitə” uduzsa da, növbəti mərhələyə çıxdı

Lent.az-ın məlumatına görə, komandamız İtaliyada “Skavolini” ilə qarşılaşıb.

Görüş “Skavolini”nin qələbəsi ilə yekunlaşıb – 3:2 (20:25, 25:21, 25:19, 23:25, 15:6). E qrupunun digər oyununda “Dinamo Romprest” (Rumıniya) “Aluprof” (Polşa) komandasına uduzub – 1:3 (16:25, 21:25, 27:25, 19:25). Məğlubiyyətə baxmayaraq, “Rabitə” qrup liderliyini qoruyub və “pley-off” mərhələsinə vəsiqə qazanıb. 5 turdan sonra 11 xalla 1-ci pillədə olan “Rabitə”ni 10 xala malik “Skavolini” və 8 xal toplayan “Aluprof” izləyir. “Dinamo Romprest” 1 xalla qrup sonuncusudur.

Görüşdən sonra “Skavolini”nin baş məşqçisi Paolo Tofoli deyib: “Bu, çox çətin matç idi. Oyuna yaxşı başlamadıq. Amma çox xoşbəxtəm ki, voleybolçularımız ikinci setdə dönüş yaradaraq, qalib gəlmək istədiklərini göstərdilər. Baxmayaraq ki, bu qələbə bizə birinci pilləni vermədi”.

“Rabitə”nin baş məşqçisi Deyan Brdjoviç isə qrupda birinci yeri qoruduqları üçün nəticədən razı qaldığını bildirib. O, “Skavolini”yə uğurlar arzulayıb. Rəqib həmkarı Paolo Tofoli ilə dost olduğunu deyən serbiyalı mütəxəssis İtaliya təmsilçisini böyük komanda adlandırıb.