Aleksandr Starkov: “Hər şey gələn həftə aydın olacaq” – MÜSAHİBƏ

- Yəqin ki, ilk sualımın nədən ibarət olduğunu anladınız...

- Fikrimcə, bəli (gülür). Nə deyə bilərəm? “Bakı” ilə bağlı hələ heç nə həll olunmayıb. Mən nə “hə”, nə də “yox” demişəm. Amma klubun mənə marağı var. Bu da sözsüz ki, xoş haldır.

- Danışıqların aparıldığını demək olar?

- Təkrar edirəm: “Bakı” maraq göstərir.

- Məlumdur ki, Siz Yeni İl ərəfəsində Azərbaycan paytaxtına getmisiniz...

- Bilirsiniz, mən Yeni İl öncəsi çox yerə getmişəm. Məsələn, Kiyevə. Amma bu, o demək deyil ki, səfər “Dinamo” ilə bağlı olub. Ümumiyyətlə, təkcə Bakıda deyil, çox yerdə olmuşam.

- Nə vaxt məsələyə aydınlıq gələcək?

- Gələn həftə. Həmin vaxt bu suala tam dəqiq cavab veriləcək.

- Artıq dekabrın 7-də “Skonto” Baltika çempionları kuboku çərçivəsində “Ekranas”la görüşəcək. Bu turniri dekabrın 15-də start götürəcək “Birlik Kuboku”na hazırlığın vacib mərhələsi saymaq olarmı?

- Bəli. Sözsüz ki, bu, hazırlıq prosesinin vacib məqamıdır. Təbii ki, azarkeşlərimizi sevindirməyə çalışacağıq. Lakin qələbəyə istənilən yolla can atmağın yeri yoxdur. Hazırda əsas məsələ “Birlik Kuboku”na hazırlaşmaqdan ibarətdir.

- Deməli, “Birlik Kuboku”nun keçiriləcəyi Rusiyanın Sankt-Peterburq şəhərinə əvvəl-axır gedəcəksiniz?

- Hər şeyə gələn həftə aydınlıq gələcək.