Arif Əsədov “Qalatasaray”ın məşqini dəyərləndirdi

Lent.az-ın məlumatına görə, Əsədov flaqmanın rəsmi saytına açıqlamasında hazırlıq prosesini izləmək üçün ona lazımi şəraitin yaradıldığını bildirib.

Gənc mütəxəssis deyib: “Belə imkanı mənə yaratdığı üçün klubumuzun prezidenti Sadıq Sadıqova minnətdarlığımı bildirirəm. Həmçinin, “Qalatasaray” rəhbərliyi də mənim məşqləri izləməyim üçün lazımi şərait yaradıb. Açığı, burada "sarı-qırmızılar"ın təlim-məşq prosesini təqib etmək üçün bir çox prosedurdan keçmək lazımdır. Ancaq biz “Qalatasaray”la əməkdaşlıq etdiyimiz üçün mən rahat şəkildə onların hazırlığına baxıram, texniki-takitiki məşqlər zamanı qeydlərimi aparıram”.

Məşq prosesində rəngarəngliyi sevən məşqçi olduğunu deyən Əsədov “Qalatasaray”ın hazırlığının öz müxtəlifliyi ilə seçildiyini vurğulayıb.