![Elxan Məmmədov: “2011-ci ildə inanılmaz tədbir keçirəcəyik” – MÜSAHİBƏ](https://lent.az/site/assets/images/breaking-news/lentaz.png)
Elxan Məmmədov: “2011-ci ildə inanılmaz tədbir keçirəcəyik” – MÜSAHİBƏ
AFFA-nın baş katibi Elxan Məmmədov dekabrın 21-də keçirilmiş mərasimindən sonra jurnalistlərə müsahibə verib.
Elxan Məmmədov Lent.az-ın da suallarını cavablandırıb:
- 2010-cu ildə ən böyük uğurunuz nədən ibarət oldu?
- Ümumiyyətlə, 2010-cu ili qənaətbəxş hesab edirik. Ən böyük uğurumuz ondan ibarətdir ki, 2012-ci ildə 17 yaşadək qızlar arasında dünya çempionatı Azərbaycanda keçiriləcək. Təbii ki, bu amil bizi çox sevindirir. Fikrimcə, Azərbaycan idman ailəsi üçün bu, çox önəmli, əlamətdar hadisədir. Bu qərar 2010-cu ildə FİFA tərəfindən qəbul olunub və bizi çox sevindirir.
- Bəs milli komandamızın çıxışlarını necə dəyərləndirirsiniz?
- Bir misal çəkim: 2 il öncə FİFA reytinqində Azərbaycan millisi 142-ci pillədə idi. Amma 2010-cu ilin son reytinqində komandamız ilk “100-lüy”ə düşüb, 98-ci yerdədir. Bu, böyük nailiyyətdir və yığmamızın inkişaf etdiyinin, gəncləşdirmə prosesinin uğurla aparıldığının sübutudur. Gənclərdən ibarət yığmalarımız uğurlu nəticələri ilə bizi sevindirir. Bildiyiniz kimi, 19 yaşlılardan ibarət yığmamız Azərbaycan futbolu tarixində ilk dəfə A səbətinə düşüb. Bu da çox sevindirici amildir. 19 yaşlılarımız artıq Avropa çempionatının püşkatma mərasimində A səbətində yerləşdirilmişdi. UEFA-nın reytinqində isə komandamız 26-cı pilləyədək irəliləməyə nail olub. Bu da təbii ki, böyük nailiyyətdir.
- Bugünkü mərasimində ötənilkindən fərqli olaraq, ən yaxşı qapıçı nominasiyasında mükafatlandırılan olmadı. Səbəbini nədə görürsünüz?
- Ötən il Kamran Ağayevə ən yaxşı qapıçı üçün təsis olunan mükafatı təqdim etmişdik. Ağayev həqiqətən də ən yaxşı qapıçımızdır. Ona qiymət verməmək ədalətsizlik olardı. Biz belə düşündük ki, ona ədalətlə yanaşmaq lazımdır. Bu il isə Mahir Şükürovun millidə ən stabil oyun sərgilədiyi qənaətinə gəldik. Düşündük ki, Şükürovun əməyinə qiymət verilməməsi ədalətsizlik olardı.
- Yığmamızın baş məşqçisi Berti Foqts 2016-cı il Avropa çempionatının final mərhələsini hədəflədiyini bildirib. Siz isə bu yaxınlarda Lent.az-a müsahibənizdə böyük hədəflərinizi 2012-ci ildə açıqlayacağınızı demişdiniz. Bəlkə elə Siz də 6 il sonra keçiriləcək qitə çempionatına vəsiqə qazanmaq niyyətinizi bildirmək istəmisiniz?
- Mən bunu yox, başqa məsələni nəzərdə tutmuşam. Berti Foqtsun açıqlamasına gəldikdə, o da yığmamızın qarşısına bir hədəf qoyur. Amma 2016-cı ilədək Foqtsun yığmamızda qalıb-qalmayacağı bilinmir. Məhz buna görə millidə gəncləşdirmə prosesi aparılır və gələcəyin komandası təşkil olunur ki, bizi uğurla təmsil etsin. Hazırkı hədəfimiz isə 2012-ci ildə Azərbaycanda keçiriləcək dünya çempionatını peşəkar səviyyədə təşkil etməkdən ibarətdir. Bütün gücümüzü buna səfərbər etmişik. Hədəf hər zaman var. Amma bu, daha real olmalıdır. Avropa və ya dünya çempionatlarının final mərhələlərinə qatılmağa isə vaxt lazımdır.
- Elə isə Foqtsun populist açıqlama verdiyini düşünmürsünüz?
- Gəlin, səbirli olaq. 2012-ci ilədək gözləyək. Sonra da növbəti hədəflərimizi açıqlayarıq.
- Yoldaşlıq görüşləri üçün iki Avropa, bir Asiya ölkəsi ilə danışıqlar apardığınızı bildirmişdiniz. Macarıstan və Danimarka ilə yoldaşlıq görüşləri keçirəcəyiniz müəyyənləşib. Bəs Asiya təmsilçisi kimdir?
- Açığı, müxtəlif ölkələrlə danışıqlar aparır, mütəmadi əlaqə saxlayırdıq. Amma hesab edirəm ki, Macarıstanla yoldaşlıq görüşü keçirəcəyimiz təsdiqlənibsə, Danimarka variantı da rəsmiləşərsə, onda əlavə ölkə ilə yoldaşlıq görüşünə ehtiyac qalmayacaq. Danimarka variantı alınmasa, alternativimiz də var.
- 2011-ci ildə Azərbaycan futbolunun yaradılmasının 100 ili tamam olacaq. Bu münasibətlə hər hansı mərasim təşkil olunacaq?
- Bizim üçün gələn il çox önəmlidir. Azərbaycan futbolunun 100 yaşı tamamlanacaq. Bu münasibətlə inanılmaz, çox böyük tədbir keçirəcəyik. Çünki 100 illik yubiley bir dəfə olur. Biz çalışacağıq ki, bu mərasim yaddaşlarda dərin izlər buraxsın. Tədbirə dünya şöhrətli futbol xadimləri də gələcəklər. Artıq onlarla danışıqlar aparılır.
- Mükafatlandırma mərasimində yığmamızın baş məşqçisi Berti Foqts niyə iştirak etmir?
- Milli komandanı mükafatlandırmaq Berti Foqtsdan ayrıdır. Biz bunu mütləq bilməliyik. Çünki yığma ilboyu baş məşqçiyə bağlıdır. Amma yığmanın ən yaxşı futbolçularını seçərkən, Foqts və veteran futbolçu Ələkbər Məmmədov hərəyə bir səs verirlər. Qalan 24 səs isə Unibank Premyer Liqasında çıxış edən klubların baş məşqçilərinə məxsusdur. Onlar da burada idilər. Foqts jurnalistlərə açıqlamasında bu suala cavab vermişdi. Demişdi ki, Almaniyada Milad bayramı kimi çox önəmli bayram var. O, həmin mərasimdə iştirak etmək istədiyini bildirmişdi. Təbii ki, yığma komanda baş məşqçi ilə birgə içəri girsəydi, daha yaxşı olardı. Amma bizdə də dini mərasimlər olur. Ona görə də tədbirimizi bəzi günlərə təyin etmədik.
- Bəs AFFA-nın prezidenti Rövnəq Abdullayevin tədbirdə iştirak etməməsi nə ilə əlaqədardır?
- Rövnəq müəllim tədbirə gəlməli idi. Amma bu gün Milli Məclisin çox vacib iclası keçirilir. Bu səbəbdən, iştirak edə bilmədi. Onun sözünü isə mən çatdırdım.
Elşən MƏMMƏDOV
Elxan Məmmədov Lent.az-ın da suallarını cavablandırıb:
- 2010-cu ildə ən böyük uğurunuz nədən ibarət oldu?
- Ümumiyyətlə, 2010-cu ili qənaətbəxş hesab edirik. Ən böyük uğurumuz ondan ibarətdir ki, 2012-ci ildə 17 yaşadək qızlar arasında dünya çempionatı Azərbaycanda keçiriləcək. Təbii ki, bu amil bizi çox sevindirir. Fikrimcə, Azərbaycan idman ailəsi üçün bu, çox önəmli, əlamətdar hadisədir. Bu qərar 2010-cu ildə FİFA tərəfindən qəbul olunub və bizi çox sevindirir.
- Bəs milli komandamızın çıxışlarını necə dəyərləndirirsiniz?
- Bir misal çəkim: 2 il öncə FİFA reytinqində Azərbaycan millisi 142-ci pillədə idi. Amma 2010-cu ilin son reytinqində komandamız ilk “100-lüy”ə düşüb, 98-ci yerdədir. Bu, böyük nailiyyətdir və yığmamızın inkişaf etdiyinin, gəncləşdirmə prosesinin uğurla aparıldığının sübutudur. Gənclərdən ibarət yığmalarımız uğurlu nəticələri ilə bizi sevindirir. Bildiyiniz kimi, 19 yaşlılardan ibarət yığmamız Azərbaycan futbolu tarixində ilk dəfə A səbətinə düşüb. Bu da çox sevindirici amildir. 19 yaşlılarımız artıq Avropa çempionatının püşkatma mərasimində A səbətində yerləşdirilmişdi. UEFA-nın reytinqində isə komandamız 26-cı pilləyədək irəliləməyə nail olub. Bu da təbii ki, böyük nailiyyətdir.
- Bugünkü mərasimində ötənilkindən fərqli olaraq, ən yaxşı qapıçı nominasiyasında mükafatlandırılan olmadı. Səbəbini nədə görürsünüz?
- Ötən il Kamran Ağayevə ən yaxşı qapıçı üçün təsis olunan mükafatı təqdim etmişdik. Ağayev həqiqətən də ən yaxşı qapıçımızdır. Ona qiymət verməmək ədalətsizlik olardı. Biz belə düşündük ki, ona ədalətlə yanaşmaq lazımdır. Bu il isə Mahir Şükürovun millidə ən stabil oyun sərgilədiyi qənaətinə gəldik. Düşündük ki, Şükürovun əməyinə qiymət verilməməsi ədalətsizlik olardı.
- Yığmamızın baş məşqçisi Berti Foqts 2016-cı il Avropa çempionatının final mərhələsini hədəflədiyini bildirib. Siz isə bu yaxınlarda Lent.az-a müsahibənizdə böyük hədəflərinizi 2012-ci ildə açıqlayacağınızı demişdiniz. Bəlkə elə Siz də 6 il sonra keçiriləcək qitə çempionatına vəsiqə qazanmaq niyyətinizi bildirmək istəmisiniz?
- Mən bunu yox, başqa məsələni nəzərdə tutmuşam. Berti Foqtsun açıqlamasına gəldikdə, o da yığmamızın qarşısına bir hədəf qoyur. Amma 2016-cı ilədək Foqtsun yığmamızda qalıb-qalmayacağı bilinmir. Məhz buna görə millidə gəncləşdirmə prosesi aparılır və gələcəyin komandası təşkil olunur ki, bizi uğurla təmsil etsin. Hazırkı hədəfimiz isə 2012-ci ildə Azərbaycanda keçiriləcək dünya çempionatını peşəkar səviyyədə təşkil etməkdən ibarətdir. Bütün gücümüzü buna səfərbər etmişik. Hədəf hər zaman var. Amma bu, daha real olmalıdır. Avropa və ya dünya çempionatlarının final mərhələlərinə qatılmağa isə vaxt lazımdır.
- Elə isə Foqtsun populist açıqlama verdiyini düşünmürsünüz?
- Gəlin, səbirli olaq. 2012-ci ilədək gözləyək. Sonra da növbəti hədəflərimizi açıqlayarıq.
- Yoldaşlıq görüşləri üçün iki Avropa, bir Asiya ölkəsi ilə danışıqlar apardığınızı bildirmişdiniz. Macarıstan və Danimarka ilə yoldaşlıq görüşləri keçirəcəyiniz müəyyənləşib. Bəs Asiya təmsilçisi kimdir?
- Açığı, müxtəlif ölkələrlə danışıqlar aparır, mütəmadi əlaqə saxlayırdıq. Amma hesab edirəm ki, Macarıstanla yoldaşlıq görüşü keçirəcəyimiz təsdiqlənibsə, Danimarka variantı da rəsmiləşərsə, onda əlavə ölkə ilə yoldaşlıq görüşünə ehtiyac qalmayacaq. Danimarka variantı alınmasa, alternativimiz də var.
- 2011-ci ildə Azərbaycan futbolunun yaradılmasının 100 ili tamam olacaq. Bu münasibətlə hər hansı mərasim təşkil olunacaq?
- Bizim üçün gələn il çox önəmlidir. Azərbaycan futbolunun 100 yaşı tamamlanacaq. Bu münasibətlə inanılmaz, çox böyük tədbir keçirəcəyik. Çünki 100 illik yubiley bir dəfə olur. Biz çalışacağıq ki, bu mərasim yaddaşlarda dərin izlər buraxsın. Tədbirə dünya şöhrətli futbol xadimləri də gələcəklər. Artıq onlarla danışıqlar aparılır.
- Mükafatlandırma mərasimində yığmamızın baş məşqçisi Berti Foqts niyə iştirak etmir?
- Milli komandanı mükafatlandırmaq Berti Foqtsdan ayrıdır. Biz bunu mütləq bilməliyik. Çünki yığma ilboyu baş məşqçiyə bağlıdır. Amma yığmanın ən yaxşı futbolçularını seçərkən, Foqts və veteran futbolçu Ələkbər Məmmədov hərəyə bir səs verirlər. Qalan 24 səs isə Unibank Premyer Liqasında çıxış edən klubların baş məşqçilərinə məxsusdur. Onlar da burada idilər. Foqts jurnalistlərə açıqlamasında bu suala cavab vermişdi. Demişdi ki, Almaniyada Milad bayramı kimi çox önəmli bayram var. O, həmin mərasimdə iştirak etmək istədiyini bildirmişdi. Təbii ki, yığma komanda baş məşqçi ilə birgə içəri girsəydi, daha yaxşı olardı. Amma bizdə də dini mərasimlər olur. Ona görə də tədbirimizi bəzi günlərə təyin etmədik.
- Bəs AFFA-nın prezidenti Rövnəq Abdullayevin tədbirdə iştirak etməməsi nə ilə əlaqədardır?
- Rövnəq müəllim tədbirə gəlməli idi. Amma bu gün Milli Məclisin çox vacib iclası keçirilir. Bu səbəbdən, iştirak edə bilmədi. Onun sözünü isə mən çatdırdım.
Elşən MƏMMƏDOV
Oxşar yazılar
!["Fənərbaxça"nın bu oyunçusu üçün 10 milyon istədi](https://lent.az/storage/news/2024/september/01/big/66d46a432a7a866d46a432a7aa172519686766d46a432a79f66d46a432a7a4.jpg)
"Fənərbaxça"nın bu oyunçusu üçün 10 milyon istədi
1 sentyabr 2024 , 18:20!["Kəpəz"in yeni baş məşqçisi AÇIQLANDI](https://lent.az/storage/news/2024/september/01/big/66d4369ccdd5066d4369ccdd52172518364466d4369ccdd4a66d4369ccdd4e.jpg)
"Kəpəz"in yeni baş məşqçisi AÇIQLANDI
1 sentyabr 2024 , 13:42![Ölkə çempionatında 15 ay sonra ilk dəfə məğlub oldu](https://lent.az/storage/news/2024/september/01/big/66d3f796b91e966d3f796b91ea172516751066d3f796b91e366d3f796b91e6.jpg)
Ölkə çempionatında 15 ay sonra ilk dəfə məğlub oldu
1 sentyabr 2024 , 10:11![Haaland Premyer Liqada 21-ci əsrin rekordunu qırdı](https://lent.az/storage/news/2024/september/01/big/66d3f2e3bbee266d3f2e3bbee3172516630766d3f2e3bbedc66d3f2e3bbedf.jpg)
Haaland Premyer Liqada 21-ci əsrin rekordunu qırdı
1 sentyabr 2024 , 08:48![La Liqa klubundan 20 milyonluq transfer](https://lent.az/storage/news/2024/september/01/big/66d3e025a4a0666d3e025a4a07172516150966d3e025a4a0066d3e025a4a03.jpg)
La Liqa klubundan 20 milyonluq transfer
1 sentyabr 2024 , 07:30!["Trabzonspor" Abdullah Avcını İSTEFAYA GÖNDƏRDİ](https://lent.az/storage/news/2024/august/31/big/66d3544ae0c8b66d3544ae0c8d172512570666d3544ae0c8366d3544ae0c87.jpg)
"Trabzonspor" Abdullah Avcını İSTEFAYA GÖNDƏRDİ
31 avqust 2024 , 21:35![Ronaldo püşkatma mərasiminə 6 milyonluq zinət əşyaları taxdı](https://lent.az/storage/news/2024/august/31/big/66d30fde7457566d30fde74576172510819066d30fde7456f66d30fde74572.jpg)
Ronaldo püşkatma mərasiminə 6 milyonluq zinət əşyaları taxdı
31 avqust 2024 , 19:21![Ölkə çempionatına mərc yazmaq qadağan olundu](https://lent.az/storage/news/2024/august/31/big/66d3074ddfd3066d3074ddfd31172510599766d3074ddfd2766d3074ddfd2b.jpg)