Püşk atıldı: İki mövsümünün finalçıları üz-üzə

İsveçrənin Nyon şəhərində futbol üzrə Çempionlar Liqasının 1/8 final mərhələsinin püşkü atılıb. Lent.az-ın məlumatına görə, püşk nəticəsində ötən mövsümün finalçıları “İnter” və “Bavariya” bir-birinə rəqib olub.

Bundan başqa 2005-2006-cı il mövsümündə həlledici qarşılaşmada üz-üzə gəlmiş “Arsenal” və “Barselona” klubları yenidən qarşılaşacaqlar.

“Roma” (İtaliya) - “Şaxtyor” (Ukrayna)
“Milan” (İtaliya) - “Tottenhem” (İngiltərə)
“Valensiya” (İspaniya) - “Şalke 04” (Almaniya)
“İnter” (İtaliya) - “Bavariya” (Almaniya)
“Lion” (Fransa) - “Real” (Madrid, İspaniya)
“Arsenal” (İngiltərə) - “Barselona” (İspaniya)
“Marsel” (Fransa) - “Mançester Yunayted” (İngiltərə)
“Kopenhagen” (Danimarka) - “Çelsi” (İngiltərə)

İlk oyunlar 15-16 fevral və 22-23 fevralda adları birinci göstərilmiş komandaların meydançalarında, cavab görüşləri isə 8-9 mart və 15-16 martda keçiriləcək.