Arif Əsədov: “Gəncə”ni yenə məğlub edəcəyik”

Çalışacağıq ki, liderliyi yenidən qaytaraq”. Lent.az-ın məlumatına görə, bu fikirləri “Neftçi”nin baş məşqçisi Arif Əsədov futbol klubunun rəsmi saytına açıqlamasında deyib.

Əsədov bildirib ki, Unibank Premyer Liqasında ilin sonunadək qalan 2 qarşılaşmada qələbə qazanmalıdırlar. “Neftçi” XVIII turda səfərdə “Gəncə” ilə üz-üzə gələcək. Flaqmanın baş məşqçisinin fikrincə, Gəncədəki görüşlər həmişə çətin keçir. 40 yaşlı mütəxəssis buna Azərbaycan Kubokunun 1/8 final mərhələsində məhz “Gəncə” ilə oyunda bir daha əmin olub. Həmin görüş “Neftçi”nin 3:1 hesablı qələbəsi ilə nəticələnib. Əsədov yenə də qalib gəlməyi hədəflədiklərini açıqlayıb: “Əsas məqsədimiz qələbə qazanmaqdır. Düzdür, zədəli futbolçularımız var. Bununla belə, komanda oyuna yüksək əhval-ruhiyyədə hazırlaşır. İnanıram ki, “Gəncə”ni kubok oyununda olduğu kimi, bu dəfə də məğlub edəcəyik”.

Qeyd edək ki, dekabrın 18-də keçiriləcək “Gəncə” – “Neftçi” matçı saat 14:00-da başlanacaq.