Azərbaycan millisinin Danimarka ilə yoldaşlıq görüşünün vaxtı müəyyənləşib

Lent.az-ın Danimarka Futbol İttifaqının rəsmi saytına istinadən verdiyi məlumata görə, həmin gün skandinaviyalılar İngiltərə millisi ilə üz-üzə gələcəklər.

Görüş Kopenhagendəki “Parken” stadionunda təşkil olunacaq. Azərbaycan yığması ilə yoldaşlıq görüşü barədə isə saytda hələ heç bir xəbər yerləşdirilməyib. Yalnız o məlumdur ki, Danimarka millisi yanvarın son 14 günlüyündə adı açıqlanmayan ölkədə təlim-məşq toplantısında olacaq. Həmin vaxt millinin hazırkı və potensial oyunçuları sınaqdan çıxarılacaq.

Qeyd edək ki, dekabrın 7-də AFFA-nın rəsmi saytı Azərbaycan millisinin Danimarka ilə yoldaşlıq görüşü üçün ilkin razılığın əldə olunduğunu açıqlayıb. Görüşün yığmamızın yanvarın 27-dən fevralın 10-dək Birləşmiş Ərəb Əmirliklərində təşkil olunacaq təlim-məşq toplanışı çərçivəsində baş tutacağı bildirilib. Bu isə o deməkdir ki, Danimarka ilə yoldaşlıq görüşü yanvarın son 4 günü ərzində baş tutacaq.