Unibank Premyer Liqası: “Bakı” lideri dəyişdirdi - YENİLƏNİB

Lent.az-ın məlumatına görə, bu mövsüm qeyri-sabit çıxışı ilə fərqlənən “Bakı” gözlənilmədən qalib gəlib.

İlk yarıda Stefan Borbikoni, fasilədən sonra isə Jaba fərqlənib. Bununla da “Neftçi” liderliyi “Xəzər Lənkəran”a təhvil verib.

Şəfa” stadionunda keçirilmiş qarşılaşmada isə “İnter” AZAL üzərində qələbəni əldən verib. Hesabı 61-ci dəqiqədə Petar Zlatinov açıb. Lakin bundan 9 dəqiqə sonra Qvidas Yuska bərabərlik qolunu vurub.

Digər matçda “Xəzər Lənkəran” “Gəncə”ni yenib – 1:0. Yeganə topu 78-ci dəqiqədə Allan Lalin vurub. Bu qələbə “Xəzər Lənkəran”ı birinci pilləyə yüksəldib.

Daha öncə keçirilmiş 3 qarşılaşma da minimal hesablı üstünlüklə yekunlaşıb. “Qəbələ” öz meydançasında qəbul etdiyi “Turan”a, “Muğan” Salyanda “MOİK-ə, “Qarabağ” isə Zaqatalada “Simurq”a qalib gəlib. “Qəbələ” ilə “Muğan” hesabı ilk yarıda açıb. Baş məşqçi Toni Adamsın komandasından Nodar Məmmədov fərqlənib. Salyan klubunun qolunu penaltidən Miloş Zeçeviç vurub. Ağdam komandası isə ikinci yarıda istəyinə çatıb. “Simurq”un qapısına Aftandil Hacıyev yol tapıb.

11 dekabr (şənbə)

“Simurq” (Zaqatala) – “Qarabağ” (Ağdam) – 0:1
Aftandil Hacıyev, 77

“Qəbələ” – “Turan” (Tovuz) – 1:0
Nodar Məmmədov, 33

“Muğan” (Salyan) – MOİK (Bakı) – 1:0
Miloş Zeçeviç, 26-penalti ilə
Qırmızı vərəqə: Elçin Həşimov, 90+3 (MOİK)

“Xəzər Lənkəran” – “Gəncə” – 1:0
Allan Lalin, 78

“İnter” (Bakı) – AZAL (Bakı) – 1:1
Petar Zlatinov, 61 - Qvidas Yuska, 70

“Neftçi” (Bakı) – “Bakı” – 0:2
Stefan Barbikoni, 43. Jaba, 75

1. “Xəzər Lənkəran” – 37 xal
2. “Neftçi” – 35
3. AZAL – 33
4. “Qəbələ” – 29
5. “İnter” – 28
6. “Qarabağ” – 27
7. “Bakı” – 25
8. “Gəncə” – 22
9. “Muğan” – 17
10. “Turan” – 11
11. “Simurq” – 10
12. MOİK – 5.

Bombardirlər: Bahodir Nasimov (“Neftçi”) – 14, Junivan Suares (“Gəncə”) - 9 qol.