“Spartak” Avropa kuboklarından kənarlaşdırıla bilər
10 dekabr 2010 13:13 (UTC +04:00)

“Spartak” Avropa kuboklarından kənarlaşdırıla bilər

Lent.az-ın “Sport-Ekspress”ə istinadən verdiyi məlumata görə, Moskva klubunun azarkeşləri dekabrın 8-də Slovakiyada “Jilina” ilə keçirilən Çempionlar Liqasının VI tur matçında çaxnaşma törədiblər.

Fanatlar fişəng yandıraraq, meydançaya tullayıblar. Nəticədə oyun 20 dəqiqəyədək dayanıb. UEFA-nın rəsmi nümayəndəsi Rob Folkner bildirib ki, “Spartak” böyük məbləğdə cərimədən tutmuş turnirdən kənarlaşdırılmayadək istənilən cəzaya məruz qala bilər. 2011-ci ildə “qırmızı-ağlar” Avropa Liqasının 1/16 final mərhələsində çıxış etməlidirlər. Rəqib isə dekabrın 17-də məlum olacaq.

Folknerin sözlərinə görə, yaxın vaxtlarda UEFA Nizam-İntizam Komitəsi matçın baş hakimi Kevin Blom və qitə futbol qurumunun nümayəndəsi Banço Todorovun məruzələrini qəbul etməlidir. Cəza isə dekabrın 16-da çıxarıla bilər. İşin araşdırılması uzansa, qərar qəbulu 20 yanvar 2011-ci ilə təxirə salınacaq. Həddən artıq ehtiyac duyulacağı halda, növbədənkənar iclas keçirilə bilər.
1 2 3 4 5 İDMAN XƏBƏRLƏRİ
# 494

Oxşar yazılar