Unibank Premyer Liqası: “Neftçi” yenə xal itirdi

Futbol üzrə Unibank Premyer Liqasında XVI tura dekabrın 4-də keçirilmiş 4 oyunla start verilib. Lent.az-ın məlumatına görə, son 3 oyunu məğlubiyyətlə başa vurmuş “Qarabağ” nəhayət, qələbə qazanıb.

Baş məşqçi Qurban Qurbanovun komandası uzun fasilədən sonra Suraxanı qəsəbəsindəki Tofiq İsmayılov adına stadionda qəbul etdiyi “İnter”i yenməyi bacarıb. Bu, ikiqat Azərbaycan çempionlarının ardıcıl ikinci məğlubiyyəti olub. Qələbə sayəsində “Qarabağ” ən azı bir günlük 6-cı pilləyə yüksəlsə də, uduzan “İnter” elə 4-cü pillədə qalıb.

“Neftçi” isə 2 xal itirib. Flaqman AZAL-la səfər qarşılaşmasından qolsuz bərabərliklə ayrılıb. Bundan yararlanan “Xəzər Lənkəran” Tovuzda “Turan”ı yenərək, liderlə xal fərqini 1-ə endirib. “Qəbələ” MOİK-i darmadağın etsə də, elə 5-ci pillədə qalıb. Bu, baş məşqçi Toni Adamsın komandasının ardıcıl 10-cu məğlubiyyətsiz oyunu olub.

4 dekabr (şənbə)

MOİK (Bakı) – “Qəbələ” – 0:3
Deon Barton, 41; 89-penalti ilə. Bruno da Silva, 44

AZAL (Bakı) – “Neftçi” (Bakı) – 0:0

“Turan” (Tovuz) – “Xəzər Lənkəran” – 1:2
Muammer Erdoğdu, 39 - Allan Lalin, 37. Stelian Stanku, 70

“Qarabağ” (Ağdam) – “İnter” (Bakı) – 1:0
Rauf Əliyev, 45

5 dekabr (bazar)

14:00. “Gəncə” – “Muğan” (Salyan)
Hakimlər: Rövşən Əhmədov, Yaşar Abbasov, Elşən Durmuşov, Elnur Muradov
Gəncə şəhər stadionu.

16:00. “Bakı” – “Simurq” (Zaqatala)
Hakimlər: Rəhim Həsənov, Azad Q. Hüseynov, İlham Əliyev, Ceyhun Haşımov
Tofiq Bəhramov adına Respublika stadionu.

1. “Neftçi” – 35 xal
2. “Xəzər Lənkəran” – 34
3. AZAL – 32
4. “İnter” – 27
5. “Qəbələ” – 26
6. “Qarabağ” – 24
7. “Bakı” – 22 (15 oyuna)
8. “Gəncə” – 19 (15)
9. “Muğan” – 14 (15)
10. “Turan” – 11
11. “Simurq” – 7 (15)
12. MOİK – 5.