Mourinyodan idmana yaraşmayan addım

Lent.az-ın “Marca”ya istinadən verdiyi məlumata görə, onlara belə göstərişi baş məşqçi Joze Mourinyo verib.

Portuqaliyalı mütəxəssis tapşırığını ehtiyat qapıçı Yeji Dudek vasitəsilə çatdırıb. Mourinyodan təlimat alan Dudek “Real”ın əsas qapıçısı İker Kasilyasa yaxınlaşıb və ona baş məşqçinin göstərişlərini ötürüb. Sonra Kasilyas bu barədə Alonso və Ramosu məlumatlandırıb. Onlar isə müvafiq olaraq, 87 və 90-cı dəqiqələrdə vaxtı uzatdıqları üçün ikinci sarı vərəqə alaraq, meydançadan qovulublar.

Qeyd edək ki, Xabi Alonso ilə Serxio Ramos qrup mərhələsinin son turunda Fransa “Oser”i ilə matçı buraxacaqlar. Amma həmin oyun artıq Çempionlar Liqasının 1/8 finalına vəsiqəni təmin etmiş “kral klubu” üçün ciddi əhəmiyyət kəsb etməyəcək. Hər iki futbolçu növbəti mərhələnin ilk görüşündə oynaya biləcək. UEFA İntizam Komitəsi isə onlara 1 oyunluq cəza verməmişdən öncə hakimlərin hesabatlarını nəzərdən keçirəcək.