Berti Foqts AFR-in baş məşqçisi oldu
20 noyabr 2010 12:41 (UTC +04:00)

Berti Foqts AFR-in baş məşqçisi oldu

Lent.az-ın məlumatına görə, iki ölkənin birləşməsinin 20-ci ildönümü şərəfinə təşkil olunan və “Əfsanələr matçı” adlanan oyunda bir çox almaniyalı veteran futbolçu çıxış edəcək.

AFR-in heyətində Yurgen Klinsmann, Andreas Köpke, Lotar Matteus, Andreas Breme, Tomas Bertold, Ştefan Röyter, Tomas Helmer, Kristian Vörns, Mixael Şults, Qvido Buhvald, Hansi Müller, Uli Borovka, Karlhaynts Ridle kimi məşhur oyunçular yer alacaqlar. Baş məşqçi isə Berti Foqts olacaq.

ADR-in tərkibində isə Tomas Doll, Ulf Kirsten, Andreas Tom, Detlef Şösler, Darius Voş, Olaf Marşall, Matias Döşner, Frank Liberam, Perri Brautiqam və digərləri çıxış edəcəklər. Komandaya Eduard Geyer başçılıq edəcək.

Bakı vaxtı ilə saat 23:15-də başlanacaq görüş Almaniyanın Leypsiq şəhərindəki “Red Bull Arena”da baş tutacaq.

Qeyd edək ki, Berti Foqts 1990-cı ildə Almaniya millisi dünya çempionu olarkən, baş məşqçi Frants Bekkenbauerin köməkçisi olub. Mundialdan sonra yığmanın baş məşqçisi təyin olunan Foqts bu vəzifədə 8 il çalışıb.
# 822

Oxşar yazılar