Unibank Premyer Liqası: Anar Salmanov “yandığı” stadiona göndərildi

Futbol üzrə Unibank Premyer Liqasında XIII turun oyunlarına təyinatlar açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, Azərbaycanın hər üç beynəlxalq dərəcəli futbol hakimi qarşıdakı turda iş başında olacaqlar.

Vüsal Əliyev “Turan” və “Gəncə” arasında keçiriləcək Qərb derbisini idarə edəcək. Fariz Yusifov “Bakı” – “Qarabağ” matçında fit çalacaq. “Muğan” – “Neftçi” görüşü isə ötən turdan yüksək liqaya qaytarılan Anar Salmanova həvalə edilib.

Futzal üzrə FİFA referisi Elçin Məmmədov “İnter” – “Qəbələ” görüşünün baş hakimi olacaq. Ehtiyat hakim qismində isə çimərlik futbolu üzrə beynəlxalq dərəcəli hakim Əfqan Həmzəyevə təyinat verilib. Daha iki qarşılaşmaya gənc referilər göndərilib. MOİK – AZAL görüşünü Elvin Əsgərov, “Xəzər Lənkəran” – Simurq” matçını isə Ramil Diniyev idarə edəcək.

Qeyd edək ki, Anar Salmanov məhz Salyanda keçirilmiş “Muğan” – “Xəzər Lənkəran” matçından sonra Unibank Premyer Liqasının növbəti 5 turundan kənarlaşdırılıb.

12 noyabr (cümə)

14:00. “Turan” (Tovuz) – “Gəncə”
Hakimlər: Vüsal Əliyev, Mübariz Haşımov, Rza Məmmədov, Rəhim Həsənov
AFFA nümayəndəsi: Adil Nadirov
Hakim-inspektor: Gülağa Cabarov
Tovuz şəhər stadionu.

14:00. MOİK (Bakı) – AZAL (Bakı)
Hakimlər: Elvin Əsgərov, Elman Musayev, Aleksandr Musatkin, Alik Yunusov
AFFA nümayəndəsi: Maşallah Əhmədov
Hakim-inspektor: Füzuli Nəcəfov
“Şəfa” stadionu.

13 noyabr (şənbə)

14:00. “Muğan” (Salyan) – “Neftçi” (Bakı)
Hakimlər: Anar Salmanov, Ramiz Əsədov, Mehman Mahmudov, Feyzulla Feyzullayev
AFFA nümayəndəsi: Oqtay Abdullayev
Hakim-inspektor: Orucəli Durmuşov
Salyan Olimpiya Kompleksinin stadionu.

16:00. “Bakı” – “Qarabağ” (Ağdam)
Hakimlər: Fariz Yusifov, Vaqif Musayev, Azər Əsgərov, Ceyhun Haşımov
AFFA nümayəndəsi: Namiq Məstanov
Hakim-inspektor: Asim Xudiyev
Tofiq Bəhramov adına Respublika stadionu.

16:00. “Xəzər Lənkəran” – “Simurq” (Zaqatala)
Hakimlər: Ramil Diniyev, İlham Əliyev, Munis Abdullayev, Teymur Fərhadov
AFFA nümayəndəsi: Qürbət Həsənov
Hakim-inspektor: Şahin Cəfərov
Lənkəran şəhər mərkəzi stadionu.

18:00. “İnter” (Bakı) – “Qəbələ”
Hakimlər: Elçin Məmmədov, Roman Vasilyev, Elşən Acalov, Əfqan Həmzəyev
AFFA nümayəndəsi: Rauf Əmirov
Hakim-inspektor: Əli Hüseynov
”Şəfa” stadionu.