Unibank Premyer Liqası: “Şəfa”dan “Şəfa”ya

Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı tura cümə günü start veriləcək.

Noyabrın 12-də Tovuzda Qərb derbisi, “Şəfa” stadionunda isə Bakı derbisi olacaq. “Turan” – “Gəncə” və MOİK – AZAL qarşılaşmaları eyni saatda start götürəcək.

Ertəsi gün əvvəlcə lider “Neftçi” Salyanda “Muğan”la görüşəcək. Ardından eyni saatda “Bakı” Qarabağ”ı, “Xəzər Lənkəran” isə “Simurq”u sınağa çəkəcək. Tura “Şəfa” stadionunda “İnter” və “Qəbələ” arasında baş tutacaq qarşılaşma ilə yekun vurulacaq.

12 noyabr (cümə)

14:00. “Turan” (Tovuz) – “Gəncə”
Tovuz şəhər stadionu.

14:00. MOİK (Bakı) – AZAL (Bakı)
”Şəfa” stadionu.

13 noyabr (şənbə)

14:00. “Muğan” (Salyan) – “Neftçi” (Bakı)
Salyan Olimpiya Kompleksinin stadionu.

16:00. “Bakı” – “Qarabağ” (Ağdam)
Tofiq Bəhramov adına Respublika stadionu.

16:00. “Xəzər Lənkəran” – “Simurq” (Zaqatala)
Lənkəran şəhər mərkəzi stadionu.

18:00. “İnter” (Bakı) – “Qəbələ”
”Şəfa” stadionu.