Çempionlar Liqası: “Real”, “Çelsi”, “Arsenal” və “Bavariya” növbəti mərhələnin astanasında

Lent.az-ın məlumatına görə, günün əsas qarşılaşması Avropa nəhəngləri “Milan” və “Real” arasında keçiriləcək.

Oktyabrın 19-da bu komandalar arasında İspaniyada baş tutmuş görüşdə “kral klubu” qələbə qazanıb – 2:0. Hazırda 3 qələbə ilə C qrupuna başçılıq edən madridlilər İtaliya klubunu 5 xal qabaqlayırlar. Lakin “Real” indiyədək “San-Siro”dan qalib ayrıla bilməyib. Bu dəfə baş məşqçi Joze Mourinyonun komandası “rossonyer”ləri yenə bilsə, vaxtından əvvəl 1/8 finala vəsiqəni təmin edəcək. “Milan” isə qalib gəlməyi bacarmasa, növbəti mərhələyə yüksəlmə şanslarını heçə endirə bilər.

Bu gecə daha 3 klub – “Çelsi”, “Arsenal” və “Bavariya” növbəti mərhələyə yüksəlmək vəzifəsinin öhdəsindən gələ bilərlər. Bunun üçün “Çelsi” Rusiyada “Spartak”ı, “Arsenal” Ukraynada “Şaxtyor”u, “Bavariya” isə Rumıniyada ÇFR-i yenməlidir.

E qrupu

“Bazel” (İsveçrə) – “Roma” (İtaliya)
Baş hakim: Byorn Kuypers (Hollandiya)

ÇFR (Rumıniya) – “Bavariya” (Almaniya)
Baş hakim: Serj Qumyennı (Belçika)

S	Komandalar	O	Q	H	M	T	X
1.	“Bavariya”	3	3	0	0	7-3	9
2.	“Bazel”	3	1	0	2	5-5	3
3.	ÇFR	3	1	0	2	5-6	3
4.	“Roma”	3	1	0	2	3-6	3

F qrupu

“Çelsi” (İngiltərə) – “Spartak” (Moskva, Rusiya)
Baş hakim: Cüneyt Çakır (Türkiyə)

“Jilina” (Slovakiya) – “Marsel” (Fransa)
Baş hakim: Stefan Yohannesson (İsveç)

S	Komandalar	O	Q	H	M	T	X
1.	“Çelsi”	3	3	0	0	8-1	9
2.	“Spartak”	3	2	0	1	4-2	6
3.	“Marsel”	3	1	0	2	1-3	3
4.	“Jilina”	3	0	0	3	1-8	0

G qrupu

“Milan” (İtaliya) – “Real” (İspaniya)
Baş hakim: Hovard Uebb (İngiltərə)

“Oser” (Fransa) – “Ayaks” (Hollandiya)
Baş hakim: Mark Klattenburq (İngiltərə)

S	Komandalar	O	Q	H	M	T	X
1.	“Real”	3	3	0	0	5-0	9
2.	“Milan”	3	1	1	1	3-3	4
3.	“Ayaks”	3	1	1	1	3-4	4
4.	“Oser”	3	0	0	3	1-5	0

H qrupu

“Şaxtyor” (Ukrayna) – “Arsenal” (İngiltərə)
Baş hakim: Massimo Buzakka (İsveçrə)

“Partizan” (Serbiya) – “Braqa” (Portuqaliya)
Baş hakim: Martin Hansson (İsveç)