Maradonaya əvəz tapıldı

Lent.az-ın “Ole” nəşrinə istinadən verdiyi məlumata görə, Batista iyulda Dieqo Maradonanın istefasından sonra bu vəzifəni icra edirdi.

O, əvvəllər Argentinanın gənclərdən ibarət yığmasına rəhbərlik edib və 2008-ci il Pekin Yay Olimpiya Oyunlarında komandaya qızıl medal qazandırıb. Yeni təyinat haqda rəsmi açıqlamanın tezliklə veriləcəyi gözlənilir. Millinin futbolçularının fikirləri öyrənildikdən sonra Batista baş məşqçi vəzifəsinə təsdiqlənib. 48 yaşlı mütəxəssislə 2014-cü ilədək müqavilə bağlanılacaq. Yeni baş məşqçi komandanı 2011-ci ildə Argentinada keçiriləcək Amerika Kubokuna və 2014-cü ildə Braziliyada təşkil olunacaq dünya çempionatına hazırlayacaq.

Qeyd edək ki, Argentina Futbol Federasiyası iyulun 27-də Dieqo Maradona ilə müqaviləni uzatmamağı qərara alıb. Maradona 2008-ci ilin payızında baş məşqçi təyin olunduğu yığma ilə 2010-cu il dünya çempionatında 1/4 finaladək irəliləməyi bacarıb. Serxio Batista onunla birgə oyunçu qismində 1986-cı il dünya çempionatında qızıl, 1990-cı il mundialında isə gümüş medala sahib olub.