Branimir Subaşiç yenidən Azərbaycan millisində

Lent.az-ın məlumatına görə, millimizin baş məşqçisi Berti Foqts Podqoritsa şəhərində keçiriləcək oyun öncəsi 4 günlük təlim-məşq toplantısı təşkil etməyi qərara alıb.

Onun dəvət göndərdiyi 23 əsas və 6 ehtiyat oyunçu arasında ilk dəfə çağırılan futbolçu yoxdur. Amma “Qəbələ”də çıxış edən Branimir Subaşiç uzun fasilədən sonra yenidən yığmamızın formasını geyinmək şansı qazanıb. Əslən Serbiyadan olan 28 yaşlı hücumçu sonuncu dəfə 2009-cu il iyunun 9-da İspaniya ilə yoldaşlıq görüşündə millimizin şərəfini qoruyub. Həmin oyun Avropa və dünya çempionlarının böyük hesablı qələbəsi ilə nəticələnib – 6:0.

Qapıçılar: Kamran Ağayev (“XəzərLənkəran”), Fərhad Vəliyev (“Qarabağ”), Aqil Məmmədov (“Bakı”)

Müdafiəçilər: Saşa Yunisoğlu, Nodar Məmmədov (hər ikisi “Qəbələ”), Ruslan Abışov, Ruslan Əmircanov (hər ikisi “Neftçi”), Vurğun Hüseynov (“Turan”), Elnur Allahverdiyev (“XəzərLənkəran”), Aqil Nəbiyev (AZAL), Cəmşid Məhərrəmov (“Bakı”)

Yarımmüdafiəçilər: Rahid Əmirquliyev (“XəzərLənkəran”), Aleksandr Çertoqanov (“İnter”), Rəşad Sadiqov (“Qarabağ”), Amit Quluzadə, Cavid Hüseynov, Araz Abdullayev (hamısı “Neftçi”), Elvin Məmmədov (“Qarabağ”)

Hücumçular: Vüqar Nadirov, Rauf Əliyev (hər ikisi “Qarabağ”), Vaqif Cavadov (“Bakı”), Fərid Quliyev (“Neftçi”), Branimir Subaşiç (“Qəbələ”)

Ehtiyat heyət:
Qapıçı: Səlahət Ağayev (“İnter”)
Müdafiəçilər: Maksim Medvedev, Samir Abasov (hər ikisi “Qarabağ”), Volodimir Levin (“İnter”), Rail Məlikov (“Neftçi”)
Yarımmüdafiəçi: Fabio Luis Ramin (“Bakı”).

Qeyd edək ki, noyabrın 17-də keçiriləcək Çernoqoriya – Azərbaycan matçı Bakı vaxtı ilə saat 16:00-da başlanacaq.