NBC Bank Azərbaycan kuboku: I divizion klubu 1/8 finalda

Lent.az-ın məlumatına görə, ilkin mərhələni keçən 6 klub arasında I divizion təmsilçisi “Abşeron” da var.

“Abşeron” Unibank Premyer Liqasında çıxış edən MOİK-i darmadağın edib – 4:0. Digər qarşılaşmada “Gəncə” Qusarda “Şahdağ”ı böyük hesabla yenib – 3:0. “Abşeron” və “Gəncə”dən əlavə, oktyabrın 26-da “MKT-Araz” (İmişli), “Neftçi İSM” (Bakı), “Şuşa” və “Rəvan” (Bakı) komandaları da 1/8 finala vəsiqəni təmin edib.

7-8 dekabrda keçiriləcək növbəti mərhələdə bu oyunlar keçiriləcək:

“Gəncə” – “Neftçi” (Bakı)
”Xəzər Lənkəran” – “MKT “Araz” (İmişli)
”Qəbələ” – “Neftçi” İSM (Bakı)
“Bakı” – “Muğan” (Salyan)
“Simurq” (Zaqatala) – “Abşeron” (Bakı)
“Şuşa” – “İnter” (Bakı)
“Rəvan” (Bakı) – AZAL (Bakı)
“Qarabağ” (Ağdam) – “Turan” (Tovuz)

Oyunlar adları birinci göstərilmiş komandaların meydançalarında baş tutacaq.