Rail Məlikovun bahalı avtomobili özünə qaytarıldı
21 oktyabr 2010 14:41 (UTC +04:00)

Rail Məlikovun bahalı avtomobili özünə qaytarıldı

Məlikov bildirib ki, yığmamızın heyətində xarici ölkədə təlim-məşq toplantısında olduğu vaxt “Mercedes GL 550” markalı avtomobilini dostu idarə edib. Lakin həmin şəxsin əlində bu avtomobili sürməyə icazə verən etibarnaməsi olmayıb. Polislər tərəfindən avtomobilin saxlanılmasının digər səbəbi isə maşının rəngi və siqnalı imiş: “Bu avtomobili sifarişlə Almaniyadan gətizdirmişəm. Özünün rəngi ağ idi. Lakin sonradan onun rəngini “tuning” etməyi qərara aldım. Amma bilmirdim ki, belə rəngdə avtomobili idarə etmək üçün xüsusi icazə lazımdır. Maşınımın siqnalının səsi heç də yazıldığı kimi, müxtəlif səslər çıxarmır. Yalnız “FİFA” siqnalı qoydurmuşam. Dostum maşını idarə etdiyi vaxt əlində etibarnaməsi olmadığı üçün saxlanılıb. Mən də Bakıya qayıtdıqdan sonra anlaşılmazlığı yoluna qoydum”.

Futbolçu artıq avtomobilini cərimə meydançasından götürdüyünü də açıqlayıb.

Qeyd edək ki, Azərbaycan futbolçuları arasında ən bahalı avtomobilin məhz Rail Məlikovda olduğu bildirilir.
# 825

Oxşar yazılar