Unibank Premyer Liqası: “Neftçi” vahid lider oldu

Futbol üzrə Unibank Premyer Liqasında VI tura yekun vurulub. Lent.az-ın məlumatına görə, hesabat turu bir sıra gözlənilməz nəticələrlə əlamətdar olub.

Ötən həftəsonu keçirilmiş 6 görüşdən 4-də heç-heçə qeydə alınıb. Azərbaycan Kubokunun son sahibi “Bakı” turu yenə xal itkisi ilə başa vurub. Paytaxtın eyniadlı klubu Zaqatalada “Simurq”a məğlubiyyətdən çətinliklə yaxa qurtarıb. Avropa Liqasında “pley-off” mərhələsinədək irəliləmiş “Qarabağ” AZAL-ın müqavimətini qıra bilməyib. “Gəncə” ənənəsinə sadiq qalaraq, bu dəfə “Turan”la heç-heçə edib. “Xəzər Lənkəran” isə qalmaqallı qarşılaşmada “Muğan”ı yenə bilməyib.

Yalnız “Neftçi” və “İnter” qalib gələ bilib. Flaqman MOİK-i darmadağın edərək, “Xəzər Lənkəran”ın xal itkisi ilə əlaqədar vahid liderliyə yüksəlib. 4 qoldan 2-sini vuran Bahodir Nasimov isə hesabındakı topların sayını 9-a çatdırıb və bombardirlər sırasında lider mövqeyini daha da gücləndirib. “İnter” isə səfərdə “Qəbələ”ni məğlub edib.

Hesabat turu hakim qalmaqalları ilə də gündəmə gəlib. “Muğan” – “Xəzər Lənkəran” matçında baş hakim Anar Salmanovun, “Simurq” – “Bakı” görüşündə isə referi Əfqan Həmzəyevdən qonaqlar narazı qalıblar.

18 sentyabr (şənbə)

“Muğan” (Salyan) – “Xəzər Lənkəran” – 0:0

“Gəncə” – “Turan” (Tovuz) – 1:1
İbrahim Hüseynov, 86 – Şalva Pirtsxalava, 63 - penalti ilə
Qırmızı vərəqə: Romuald Onana, 80 (“Turan”)

MOİK (Bakı) – “Neftçi” (Bakı) – 0:4
Fərid Quliyev, 24. Bahodir Nasimov, 64; 70. Cavid Hüseynov, 90+1

19 sentyabr (bazar)

“Qəbələ” – “İnter” (Bakı) – 0:1
Rövşən Əmiraslanov, 35

“Simurq” (Zaqatala) – “Bakı” – 1:1
Baçana Tsxadadze, 34 – Vyaçeslav Sofroni, 77

“Qarabağ” (Ağdam) – AZAL (Bakı) – 0:0

S	Komandalar	O	Q	H	M	T	X
1.	Neftçi	6	5	1	0	14-1	16
2.	Xəzər Lənkəran	6	4	2	0	7-0	14
3.	İnter	6	4	1	1	6-2	13
4.	AZAL	6	3	2	1	7-5	11
5.	Muğan	6	1	3	2	5-6	6
6.	Qarabağ	4	1	2	1	2-2	5
7.	Bakı	5	1	2	2	6-7	5
8.	Gəncə	5	0	5	0	5-5	5
9.	Qəbələ	6	1	1	4	2-6	4
10.	MOİK	6	1	1	4	3-11	4
11.	Turan	6	0	3	3	4-9	3
12.	Simurq	6	0	3	3	5-12	3