“Neftçi” – Xəzər-Lənkəran” matçı Anar Salmanova tapşırıldı

Futbol üzrə Azərbaycan Premyer Liqasında XXI turun oyunlarını idarə edəcək hakimlər müəyyənləşib. AFFA Hakimlər Komitəsinin sədri Xaqani Məmmədovun Lent.az-a verdiyi məlumata görə, “Neftçi” və “Xəzər-Lənkəran” arasında aprelin 12-də keçiriləcək qarşılaşma gənc referi Anar Salmanova həvalə olunub.

Ona Azər Əsgərovla Azad Q.Hüseynov yan xətt hakimləri, Rasim Məmmədov isə ehtiyat hakim kimi yardımçı olacaqlar. XX turda keçirilmiş qalmaqallı “Olimpik” – “Bakı” matçının baş hakimi Zöhrab Qədiyevə isə oyun verilməyib.

Turun baş hakimləri:

11 aprel

“Muğan” (Salyan) – “Qarabağ” (Ağdam)
Baş hakim: Vüsal Əliyev
“Simurq” (Zaqatala) – “Bakılı”
Baş hakim: Hacıəli Ağayev
“Standard” (Bakı) – “Bakı”
Baş hakim: Fariz Yusifov
12 aprel
“Neftçi” (Bakı) – “Xəzər-Lənkəran”
Baş hakim: Anar Salmanov
“MOİK” (Bakı) – “İnter” (Bakı)
Baş hakim: Ramil Diniyev
“Turan” (Tovuz) – “Karvan” (Yevlax)
Baş hakim: Elçin Məmmədov

“Qəbələ” – “Olimpik” (Bakı)
Baş hakim: Rövşən Əhmədov.