“Yuventus” rəhbərliyi komandanın aparıcı oyunçularından olan Paulo Dibala ilə əməkdaşlığı davam etdirmək niyyətindədir.
Lent.az-ın məlumatına görə, Turin klubu argentinalı hücumçuya yeni müqavilə təklif etməyə hazırlaşır.
Yeni sözləşmənin şərtləri daha yaxşı olacaq. “Qoca sinyora” bu yolla digər klubların da maraq dairəsində olan Dibalanı heyətində saxlamaq istəyir. 26 yaşlı futbolçu ilə “Mançester Yunayted” və “Tottenhem”in danışıq apardığı bildirilir.
Qeyd edək ki, Dibala 2015-ci ildən “Yuventus”un formasını geyinir. Turin klubu ilə 4 dəfə A Seriyasının qalibi olan Paulo cari mövsümdə ümumilikdə 23 oyunda 9 qola imza atıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
