Zaqatalada 4 otaqlı fərdi yaşayış evində yanğın olub.
Lent.az-ın APA-ya istinadla məlumatına görə, yanğın hadisəsi gecə saatlarında rayonun Muxax kəndində, kənd sakini İntiqam Novruz oğlu Əliyevə məxsus, ümumi sahəsi 110 kv/m olan birmərtəbəli 4 otaqdan ibarət fərdi yaşayış evində baş verib.
Yanğının söndürülməsi üçün əraziyə Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Yanğın nəticəsində evin bir otağının yanar konstruksiyaları içərisindəki ev əşlaları ilə birlikdə, digər 30 kv/m-lik otağın isə 15 kv/m-lik sahəsinin yanar konstruksiyaları yanıb. Evin qalan hissəsi və yaxınlıqdakı tikililər yanğından mühafizə olunub. Yanğın zamanı xəsarət alan olmayıb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
