Yanacaqdoldurma məntəqəsində QANLI OLAY - TƏFƏRRÜAT - YENİLƏNİB

Gəncədə yanacaqdoldurma məntəqəsində baş verən bıçaqlanma hadisəsinin təfərrüatı məlum olub.

APA-nın yerli bürosunun məlumatına görə, hadisə şəhərin Bağmanlar adlanan ərazisində yerləşən yanacaqdoldurma məntəqəsində baş verib. Məntəqənin xadiməsi, 1989-cu il təvəllüdlü Günel Məmmədova oraya gələn taksi sürücüsü, Göygöl rayon sakini Vüsal Məhərrəmovu bıçaqlayıb.

İlkin məlumata görə, qadın həmin taksi ilə hər gün işə gəlib-gedirmiş. G.Məmmədovanın V. Məhərrəmovu aralarında mübahisə yarandığı üçün bıçaqladığı bildirilir.

Faktla bağlı polis araşdırmaya başlayıb.

***

10:42

Gəncədə bıçaqlanma hadisəsi baş verib.

Lent.az-ın APA-ya istinadla məlumatına görə, hadisə şəhərdə fəaliyyət göstərən yanacaqdoldurma məntəqələrindən birində qeydə alınıb.

Göygöl rayon sakini Vüsal Əmrahov bir neçə bıçaq xəsarəti ilə xəstəxanaya yerləşdirilib, əməliyyat olunub. Araşdırma zamanı məlum olub ki, onu Gəncə Şəhər sakini Günel Məmmədova şəxsi münasibətlər zəminində bıçaqlayıb.

Hadisənin baş vermə səbəbləri araşdırılır.