Yeni yol istifadəyə verilib

Ələt-Astara yolunun 141-ci kilometrliyində, Mişarçay üzərindəki qəzaya uğramış körpünün yaxınlığında daha bir alternativ yol istifadəyə verilib. Nəqliyyat Nazirliyindən Lent. az-a bildirilib ki, alternativ yol bu gün saat 12: 30 - dan sürücülərin ixtiyarındadır: “Nəqliyyatın normal gediş-gəlişini təmin etmək məqsədilə ikinci alternativ yol istifadəyə verilib. Alternativ yolların biri Astara istiqamətində, digəri isə Bakı istiqamətində hərəkət edən nəqliyyat üçün nəzərdə tutulub. Qəzaya uğramış körpünün dayaqları möhkəmləndirildikdən və aşırım tirləri dəyişdirildikdən sonra yenidən istifadəyə veriləcək”.

P. Mürsəliyev onu da qeyd edib ki, Cəlilabad rayonu ərazisindəki körpünün yaxın 15-20 gün ərzində istifadəyə verilməsi gözlənilir.

Qeyd edək ki, martın 4-də Ələt-Astara yolunun 141-ci kilometrliyində, Mişarçay üzərindəki körpünün aşırım tirləri qırılmışdı.