Gəncə Dövlət Universitetinin (GDU) müəlliminin əməlləri ilə bağlı cinayət işi başlanıb. Bu barədə Lent.az-a universitetin mətbuat və ictimaiyyətlə əlaqələr xidmətinin rəhbəri Maqbet Əhmədov məlumat verib. Onun sözlərinə görə, universitetinin “Ekologiya və təbiəti mühafizə” kafedrasının müdiri Rəhimov Vaqif İnqilab oğlu barəsində prokurorluqda korrupsiya faktı ilə əlaqədar istintaq aparılır. Bu səbəbdən artıq o, universitetin rektoru Yusif Yusibovun əmri ilə tutduğu vəzifəsindən və işdən uzaqlaşdırılıb.
Qeyd edək ki, Təhsil Nazirliyinin 2012- ci il 20 dekabr tarixli 11/ 1333 nömrəli əmri ilə anadan olmasının 55 illiyi münasibəti ilə V. Rəhimov “Azərbaycan Respublikası qabaqcıl təhsil işçisi” döş nişanı ilə təltif edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
