Fevralın 4-də həbs olunmuş Müsavat Partiyası başqanının müavini Tofiq Yaqublu və “REAL” hərəkatının sədri İlqar Məmmədov Kürdəxanı qəsəbəsində yerləşən Bakı İstintaq Təcridxanasına köçürülüb. Lent.az-ın məlumatına görə, Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə zor tətbiq etmə və ya müqavimət göstərmə) maddəsi ilə ittiham olunaraq Nəsimi rayon Məhkəməsi tərəfindən 2 ay müddətində barələrində həbs-qətimkan tədbiri seçilən şəxslər bu gün səhər saatlarında təcridxanaya aparılıb.
Vəkil Xalid Bağırov Lent.az-a bildirib ki, bu gün həbslərlə bağlı mətbuat konfransı keçiriləcək.
Qeyd edək ki, T.Yqublu və İ.Məmmədov yanvarın 23 və 24-də İsmayıllıda baş vermiş aksiyalar zamanı ictimai qaydanı pozmaqda və vətəndaşları iğtişaşlara təhrik etməkdə təqsirləndirilirlər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
