Suraxanıda yanğın olub

Suraxanı rayonunda baş vermiş yanğın nəticəsində bir nəfər xəsarət alıb.APA-nın Fövqəladə Hallar Nazirliyinin rəsmi saytına istinadən verdiyi xəbərə görə, Suraxanı rayonunda ümumi sahəsi 40 kv.m olan gözətçi otağın dam örtüyünün yanar konstruksiyaları 20 kv.m sahədə yanıb. Yanğın zamanı bir nəfər xəsarət alıb. Otağın qalan hissəsi yanğından mühafizə olunub. Yanğın saat 00:58-də yanğınsöndürənlər tərəfindən söndürülüb.

Daha bir yanğın hadisəsi gecə saatlarında paytaxtın Yasamal rayonunda qeydə alınıb. Fövqəladə Hallar Nazirliyinin rəsmi saytının verdiyi xəbərə görə, Bakı şəhəri, Yasamal rayonunda ikimərtəbəli 5 mənzili kommunal tipli evin 2-ci mərtəbəsində yaşayan vətəndaşa məxsus ümumi sahəsi 35 kv.m olan 1 otaqlı mənzilin taxta konstruksiyalardan ibarət eyvanının tavanı 7 kv.m sahədə yanıb. Evin qalan hissəsi yanğından mühafizə olunub. Yanğın saat 00:53-də yanğınsöndürənlər tərəfindən söndürülüb.