Söyüş üstündə adam öldürənin məhkəməsi davam edir

Bu gün Bakı Ağır Cinayətlər Məhkəməsində qətl törətməkdə təqsirləndirilən Zaur Manafov və qəsdən sağlamlığa yüngül zərər vurmada təqsirləndirilən Elçin Qədimovun cinayət işi üzrə məhkəmə prosesi davam edib. Lent.az-ın məlumatına görə, hakim Əfqan Hacıyevin sədrliyi ilə keçirilən iclasda sənədlərin təhqiqi mərhələsi davam edib. Zərərçəkmiş şəxsin hüquqi nümayəndəsi cinayət işində baş vermiş kobud pozuntulara görə işin yenidən ibtidai istintaqa qaytarılmasını istəyib. Bununla bağlı zərərçəkmiş sənədlər və sübutları məhkəməyə təqdim edib. Dövlət ittihamçısı vəsatətə münasibət bildirək qeyd edib ki, həmin verilən sənədlərlə tanış olmadığı üçün vaxt istəyir. Məhkəmə prosesi aprelin 22-də davam edəcək.

Qeyd edək ki, hadisə keçən il iyulun 31-dən avqustun 1-nə keçən gecə Binəqədi qəsəbəsində qeydə alınıb. Qəsəbə sakinləri Sərxan Mahmudov, Elçin Qədimov və Zaur Manafov münaqişə zəminində bir-birinə bıçaqla xəsarət yetiriblər. Münaqişəyə səbəb söyüş olub. Nəticədə xəstəxanaya yerləşdirilən yaralılardan S.Mahmudov orada dünyasını dəyişib. Daha sonra Z.Manafov və Elçin Qədimov Binəqədi Rayon Polis İdarəsinin əməkdaşları tərəfindən saxlanılıb. Elçin Qədimov barəsində heç yerə getməməklə bağlı qətimkan tədbiri seçilib. O, Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) maddəsi ilə ittiham olunub.