ŞOK! Vəzifəli şəxsin evinə basqın, həyat yoldaşı öldürülüb - YENİLƏNİB

Bu gün Abşeron rayonu ərazisində Azərbaycan Həmkarlar Konfederasiyasının sədr müavini Aqil Dadaşovun həyat yoldaşı, 58 yaşlı Dadaşova Elmira Xəlil qızının qətli ilə bağlı cinayət işi başlanılıb. Bu barədə Lent.az-a Abşeron rayon prokuroru Qənimət Səfərov məlumat verib. Prokuror bildirib ki, fakta görə Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb, meyit ilkin müayinədən keçirilib, müvafiq ekspertizalar təyin edilib. Hazırda əməliyyat-axtarış, istintaq tədbirləri davam etdirilir. Saxlanılan yoxdur.

*****

17:48

Bu gün Abşeron rayonunda dəhşətli qətl hadisəsi törədilib. Rayon polis Şöbəsindən Lent.az-a verilən məlumata görə, naməlum şəxs və ya şəxslər Dadaşov Aqil İsaq oğluna məxsus olan və Hökməli qəsəbəsində, Əliağa Vahid küçəsində yerləşən evə soxulublar. Onlar mənzildə olan ev sahibinin həyat yoldaşı, 1955-ci il təvəllüdlü Dadaşova Elmira Xəlil qızını çoxsaylı bıçaq zərbələri ilə qətlə yetiriblər.

Lent.az-ın məlumatına görə, qətlə yetirilmiş E.Dadaşovanın həyat yoldaşı Aqil Dadaşov Azərbaycan Həmkarlar Konfederasiyasının sədr müavinidir. Vesti.az-ın məlumatına görə, hadisəni törətmiş şəxs və ya şəxslər mənzilə tamah məqsədi ilə daxil olublar və evdə kimsənin olmasını bilməyiblər.

Qeyd edək ki, A. Dadaşov jurnalistdir. Uzun illər “Bakı” – “Baku” qəzetlərində çalışıb, “Ülfət” qəzetinin baş redaktoru olub.