Bakıda, Bakıxanov qəsəbəsində sərnişin avtobusu aşıb. Hadisə nəticəsində xəsarət alanların sayı 10-a çatıb.
Lent.az-ın «ANSpress»-ə istinadən məlumatına görə, yaralananların hamısı Sabunçu rayonunda yerləşən 3 saylı şəhər klinik xəstəxanasına yerləşdirilib. Hazırda xəsarət alanlara tibbi yardım göstərilir.
Xatırladaq ki, bu gün axşam saat 19:00 radələrində Sabunçu rayonu, Bakıxanov qəsəbəsində "İSUZU"markalı "10-TG-938" dövlət qeydiyyat nişanlı avtobus aşıb.
İlkin ehtimala görə, metronun "Qara Qarayev" stansiyasından Bakıxanov qəsəbəsi istiqamətində hərəkət edən avtobusun aşmasına səbəb sürücünün sürət həddini aşması və döngədə avtobusun idarəetməsini itirməsi göstərilir.
Faktla bağlı Sabunçu rayon Polis İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
