Sərhəd kəndində ev yanıb, külə dönüb

Tovuzun Ermənistanla sərhəd olan Əlibəyli kəndində güclü yanğın baş verib.

FHN Dövlət Yanğından Mühafizə Xidmətinin Tovuz rayonu Yanğından Mühafizə Hissəsindən APA-nın qərb bürosuna verilən məlumata görə, hadisə bu gün səhər saat 7:00 radələrində baş verib.

Akif İbrahimova məxsus sahəsi 130 kv. metr olan 2 otaq və aynəbənddən ibarət birmərtəbəli ev içərisindəki əşyalarla birgə yanıb. Hadisə yerinə bir neçə yanğın söndürən avtomobil cəlb edilib. İlkin ehtimallara görə, yanğına elektrik naqillərində baş vermiş qısaqapanma səbəb olub.