Səməd Vurğunun qohumu dənizdə batdı

Bakının Pirşağı qəsəbəsində diplomat Cavanşir Vəkilov 62 yaşında dünyasını dəyişib. Lent.az-ın “Vesti.az”a istinadən verdiyi məlumata görə, C.Vəkilov şair Səməd Vurğunun qardaşı, məşhur tarixçi-pedaqoq Mehdixan Vəkilovun oğludur.

Mərhumun qohumu, vəkil Səməd Vəkilov bildirib ki, o, dənizdə batıb. Diplomat bu gün son mənzilə yola salınacaq. Vida mərasimi “Təzəpir” məscidində olacaq.

Qeyd edək ki, Cavanşir Vəkilov 1951-ci ildə dünyaya gəlib. O, 2004-cü ildə Azərbaycanın Təbrizdə baş konsulluğunu açıb və 2005-ci ilin martınadək baş konsul vəzifəsini icra edib. Həyatının son günlərinədək C.Vəkilov Azərbaycan Xarici İşlər Nazirliyində aparıcı məsləhətçi, habelə Prezident yanında Dövlət İdarəçilik Akademiyasında müəllim kimi çalışıb.

Allah rəhmət eləsin!