Rusiyadan Gədəbəyə gələn şəxs qayalıqdan yıxılaraq ölüb.
Gədəbəy rayon Prokurorluğundan APA-nın qərb bürosuna verilən məlumata görə, hadisə rayonun Çanaxçı kəndində baş verib.
Əslən Tovuzdan olan Rusiya Federasiyasının vətəndaşı, 65 yaşlı Valeh Məmmədov Gədəbəyin Hacaqaya ziyarətgahından qayıdarkən yolda çiçək yığmağa dayanıb. Bu zaman o, qayalıqdan yıxılaraq ağır bədən xəsarətləri ilə Gəncə şəhər Təcili Tibbi Yardım Xəstəxanasına yerləşdirilib.
Həkimlərin səylərinə baxmayaraq, V.Məmmədovun həyatını xilas etmək mümkün olmayıb. Faktla bağlı Gədəbəy rayon Prokurorluğunda araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
