Qohumunu bıçaqlayan şəxs məhkəmə zalında həbs edildi

Qohumunu münaqişə zəminində bıçaqlamaqda təqsirləndirilən 1994-cü il təvəllüdlü Orxan Fərzəliyevin cinayət işi üzrə məhkəmə prosesi başa çatıb.

Lent.az-ın məlumatına görə, Bakı Ağır Cinayətlər Məhkəməsində hakim Əlövsət Abbasovun sədrliyi ilə keçirilən prosesdə hökm oxunub.

Hakimlər kollegiyasının hökmünə əsasən, O. Fərzəliyev 4 il 6 ay müddətinə azadlıqdan məhrum edilib. Onun barəsində seçilmiş polisin nəzarətinə verilmə qətimkan tədbiri həbs-qətimkan tədbiri ilə əvəz olunub və o, məhkəmə zalında həbs edilib.

Qeys edək ki, hadisə 2016-cı ilin noyabrında Siyəzən şəhərində baş verib. O. Fərzəliyev aralarında yaranan münaqişə zəminində qohumu Samir Məmmədovu bıçaqlayıb. Xəstəxanaya çatdırılan S. Məmmədovun həyatını xilas etmək mümkün olub