Qəbələdə qədim qəbirstanlıq aşkarlandı
25 avqust 2014 10:55 (UTC +04:00)

Qəbələdə qədim qəbirstanlıq aşkarlandı

Qəbələdə antik dövrə aid qəbirlər tapılıb.  AMEA Arxeologiya və Etnoqrafiya İnstitutundan  Lent.az-a verilən məlumata görə,  Azərbaycan-Koreya Beynəlxalq Arxeoloji Ekspedisiyasının layihəsi əsasında aparılan tədqiqatların nəticəsində Soltan Nuxa kəndi ərazisində 1800-1900 il yaşı olan antik qəbirlər aşkarlanıb. İlkin kəşfiyyat işləri zamanı 7 antik qəbir tapılıb.

 

Tədqiq edilən qəbirlərdə skeletlərlə yanaşı, saxsı qablar, nizə, bıçaq, oraq, üzərində xeyli sayda bəzək əşyaları və muncuq düzümləri aşkar olunub.

 

Eləcə də, Dızaxlı kəndi ərazisində koreyalı mütəxəssislər tərəfindən  4500-5000 il yaşı olan kurqanın arxeoloji tədqiqi də davam etdirilir.

 

Qeyd edə ki, Qəbələ ərazisində geniş miqyaslı arxeoloji tədqiqatlar  SEBA (Seul-Bakı) Azərbaycan-Koreya Mədəniyyət Mübadiləsi Assosiasiyasının maliyyə dəstəyi ilə aparılmaqdadır.        

 

1 2 3 4 5 İDMAN XƏBƏRLƏRİ
# 1232

Oxşar yazılar