Prokuror polisin bacısını oğurlamaq istəyənlərə cəza istədi
25 noyabr 2014 17:51 (UTC +04:00)

Prokuror polisin bacısını oğurlamaq istəyənlərə cəza istədi

Bu gün Bakı Ağır Cinayətlər Məhkəməsində Quba sakinləri Nizami Nəcəfov, Vəfanur Məmmədov, habelə onun qardaşı Vəfadar Məmmədovun işi üzrə məhkəmə prosesi davam etdirilib. Lent.az-ın məlumatına görə, hakim Səbuhi Hüseynovun sədrliyi ilə keçirilən prosesdə prokuror təqsirləndirilən şəxslərə cəza istəyib. İttihamçı-prokuror Nizami Nəcəfovun 8 il 6 ay, Vəfanur Məmmədovun 7 il, Vəfadar Məmmədovun 2 il 6 ay müddətinə azadlıqdan məhrum edilməsini tələb edib.


Proses dekabrın 2-də davam etdiriləcək.


Qeyd edək ki, təqsirləndirilən şəxslər bu ilin yanvar ayında Cinayət Məcəlləsinin 228.2.1-ci (bir qrup şəxs tərəfindən qanunsuz silah və döyüş sursatı saxlanılması) maddəsi ilə həbs ediliblər. İstintaq zamanı onlara Cinayət Məcəlləsinin 144.2.3 və 144.2.6-cı (bir qrup şəxs tərəfindən əvvəlcədən əlbir olmaqla insan oğurluğu) maddələri ilə də ittiham irəli sürülüb. Belə ki, Nizami Nəcəfov və Məmmədov qardaşları Quba rayonu Nüqədi kənd sakini Mərziyə Osmanovanı oğurlamağa cəhd ediblər. Adı çəkilən qadının Quba rayon polis şöbəsinin əməkdaşının bacısı olduğu bildirilir. Məqsəd polis əməkdaşından bacısının qarşılığında pul almaq olub.

# 875
avatar

Səlcuq Elçin

Oxşar yazılar