Oğru aləmində ara qarışdı: 34 “qanuni oğru” Rövşən Lənkəranskiyə qarşı
11 sentyabr 2013 10:48 (UTC +04:00)

Oğru aləmində ara qarışdı: 34 “qanuni oğru” Rövşən Lənkəranskiyə qarşı

32 yaşlı azərbaycanlı “qanuni oğru”, “Rufo Gancinski” kimi tanınan Ülfət Tağıyevin həbsindən sonra bir sıra maraqlı məqamlar ortaya çıxıb. Lent.az-ın aznews-a istinadən verdiyi məlumata görə, ötən ilin dekabrından beynəlxalq axtarışda olan “Rufo Gancinski” Rövşən Lənkəranskinin taclandırdığı “qanuni oğru”lardan biri olub. Dubayda keçirilən “sxodka”da onunla bərabər taclandırılan digər “qanuni oğru” Hacı Beylaqanski ləqəbli Hacıbaba Talıbxanlı olub. Rusiya mətbuatı hüquq-mühafizə orqanlarına istinadən xəbər verir ki, onların hər ikisi Rövşən Lənkəranskinin şəxsi mühafizəçiləri olub. 

Hətta onların adı R.Lənkəranskiyə düşmən olan bəzi şəxslərin aradan götürülməsində də hallanır. Polisin bildirdiyinə görə, Rüfət Rusiyaya konkret məqsədlər üçün gəlib. Buna görə də onun həbsi Caniyevin bəzi düşmənlərinin ömrünü uzadıb. 

“Praym-Kraym” iddia edir ki, sentyabrın 9-da həbsxanalardakı 34 “qanuni oğru”nun imzası ilə Rövşən Lənkəranski ilə bağlı “proqon” qəbul edilib. 

Qela Kardavanın tərəfdarları olan “qanuni oğru”lar “proqon”da İstanbulda keçirilən “sxodka” zamanı Rövşən Lənkəranski tərəfdarları ilə qarşı tərəf arasında baş verənlərə münasibət bildirib: “Əgər bu “proqon” da Rövşən üçün heç nəyi dəyişməyəcəksə, o zaman bu qarşıdurmada iştirak edən “Rufo Gancinski” üçün ciddi nəticələri olacaq. Buna görə də o, məhkəmə kürsüsündə oturmazdan əvvəl “qanuni oğru”ların onun barəsində qərar verəcəyi gözlənilir.

# 4209
avatar

Oxşar yazılar