Mirmahmud Mirəlioğluya ağır itki üz verib
07 noyabr 2013 13:33 (UTC +04:00)

Mirmahmud Mirəlioğluya ağır itki üz verib

Klassik Xalq Cəbhəsi Partiyasının (KXCP) sədri Mirmahmud Mirəlioğluya ağır itki üz verib. Lent.az-ın AzNews.az-a istinadən verdiyi məlumata görə, M. Mirəlioğlunun yaxın qohumları - əmisi oğlanları Hacı Mirsütun Əzizov və Hacı Ramazan Babayev avtomobil qəzası zamanı həlak olublar. 


Hadisə Lənkəran rayonu Boradigah qəsəbəsinin ərazisində baş verib. M.Əzizovun idarə etdiyi “VAZ-21145” markalı və Lənkəran şəhər sakini Elnur Abdullayevin idarə etdiyi “Mercedes” markalı avtomaşınlar toqquşub. Nəticədə M.Əzizov və sərnişin – R.Babayev qəza zamanı keçiniblər. 

Qeyd edək ki, M. Mirəlioğlunun ötən il qızı dünyasını dəyişib. Ondan əvvəl isə gənc və yeniyetmə yaşında iki oğlu da dünyasını dəyişib. Onun oğlunun biri 1991-ci ildə yol qəzasında, digəri isə 2009-cu ildə ürək tutmasından vəfat edib. 

Allah rəhmət eləsin!

# 2396
avatar

Oxşar yazılar