Masallıda mebel fabriki yandı - YENİLƏNİB

Fövqəladə hallar Nazirliyi "Embavood"da baş vermiş yanğınla bağlı məlumat yayıb. Lent.az-ın nazirliyin saytına istinadən məlumatına görə, Masallı şəhərində fabrikin ərazisində ümumi sahəsi 15000 kv.m olan tikilinin içərisində istehsalat sahəsinin və anbar hissəsinin yanar konstruksiyaları, içərisində olan dəzgahlar və yanan materiallar 7000 kv.m sahədə yanıb. Yanğından fabrikin qalan hissəsi mühafizə olunub. Yanğın saat 10:50-də yanğınsöndürənlər tərəfindən söndürülüb.

``````

07:37

Cənub bölgəsində gücül yanğın hadisəsi qeydə alınıb.

Masallı rayonunda yerləşən məşhur mebel firmalarından birinə məxsus fabrikdə güclü yanğın meydana gəlib.

Gecə saatlarında başlayan yanğın daha da şiddətlənməyə başlayıb. Bu barədə "Cenubnews" xəbər verir.

Hadisə baş verən əraziyə FHN-nin Masallı Rayon Yanğından Mühafizə Hissəsinin bütün canlı qüvvəsi və texnikası cəlb olunub.

Yanğın anbarda 2000-2500 kv.m sahəni əhatə edib. Hazırda yanğının söndürülməsi və böyüməsinin qarşısını almaq üçün FHN-in yanğınsöndürənləri işləyirlər.

Yanğının nədən baş verdiyi isə hələlik bilinmir. Hadisənin dəqiq baş vermə səbəbi isə araşdırmalardan sonra bəlli olacaq.

Qeyd edək ki, yanğın zamanı fabrikə böyük miqdarda zərərin dəydiyi bildirilir.