Marixuana satana 5 il 3 ay cəza

Narkotik maddələrin qanunsuz dövriyyəsində təqsirləndirilən Fəxrəddin Qalacovun cinayət işi üzrə məhkəmə başa çatıb.

Lent.az-ın məlumatına görə, Bakı Ağır Cinayətlər Məhkıməsində hakim Mirzə Xankişiyevin sədrliyi ilə keçirilən prosesdə hökm oxunub. Hakimlər kollegiyasının hökmünə əsasən Fəxrəddin Qallacov 5 il 3 ay müddətinə azadlıqdan məhrum edilib.

Qeyd edək ki, Fəxrəddin Qallacovdan külli miqdarda qurudulmuş marixuana aşkarlanıb. Ona Cinayət Məcəlləsinin 234-cü ( narkotik maddələrin qanunusuz dövriyyəsi) maddəsi ilə ittiham verilib.