Keçmiş polis rəisinin arvadının "dələduzluq işi" davam etdirilib
17 oktyabr 2016 12:23 (UTC +04:00)

Keçmiş polis rəisinin arvadının "dələduzluq işi" davam etdirilib

 

Keçmiş polis rəisinin dələduzluqda təqsirləndirilən arvadı Leyla Əkbərovanın cinayət işi üzrə məhkəmə davam edib.

 

Lent.az-ın məlumatına görə, Bakı Ağır Cinayətlər Məhkəməsində hakim Rahib Salmanovun sədrliyi ilə keçirilən prosesdə şahid qismində dindirilən Dövlət Sosial Müdafiə Fondunun əməkdaşı  İlhamə Əhmədova bildirib ki, heç kimin Leyla Əkbərovaya pul verdiyini görməyib: "İstintaqa verdiyim ifadəni təsdiq edirəm. Anarə xanımla qonşu olmuşuq. Leyla xanım məni çağırıb dedi ki, hardasa işim var, bir yerdə getdik, amma mən içəri girmədim. Hansısa rayonun "Sobez"i idi. Anarə ilə Leyla özü küncdə danışırdılar, mənim məsələdən xəbərim olmurdu. Sonra da Anarə və Leyla ilə birlikdə kafeyə gedib yemək yedik, yadımda deyil ki, nə danışdıq".

 

Zərərçəkən Anarə Məmmədova deyib ki, İ.Əhmədova özünü "Sobez" işçisi kimi təqdim edib. O da bunu təsdiqləyib və orada əlillərə qulluq etdiyini deyib.

 

Məhkəmə oktyabrın 26-də davam edəcək.

 

Qeyd edək ki, dələduzluqda təqsirləndirilən L.Əkbərova Binəqədi Rayon Polis İdarəsinin Narkotiklərlə Mübarizə İdarəsinin keçmiş rəisi Mahir Əkbərovun arvadıdır. L.Əkbərova Cinayət Məcəlləsinin 178.3.2-ci (külli miqdarda dələduzluq) və 320-ci (saxta sənəd hazırlama) maddələri ilə ittiham olunur.

 

Məlumata görə, 95 saylı orta məktəbdə müəllimə işləyən Leyla Əkbərova əri Mahir Əkbərovun qardaşı Elçin Əkbərov vasitəsilə xaricə qaçmaq istəyirmiş. O, pasportunu dəyişdirərkən saxlanılıb. Elçin Əkbərov Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrində rəis işləyib və hazırda Almaniyada mühacir həyatı yaşayır.

 

Adı dələduzluqda hallanan polis rəisi Mahir Əkbərov polis orqanlarından xaric edilib.

 

# 150
avatar

Səlcuq Elçin

Oxşar yazılar

Autizm xəstəsi olan uşaq özünü öldürdü

Autizm xəstəsi olan uşaq özünü öldürdü

28 fevral 2024 , 13:39
Ata ögey qızlarına təcavüz etdi

Ata ögey qızlarına təcavüz etdi

28 fevral 2024 , 12:54
Laçında itən əsgərimiz Ermənistanda tapıldı

Laçında itən əsgərimiz Ermənistanda tapıldı

28 fevral 2024 , 12:33
Kamran Əliyev 5 rayona   yeni prokuror təyin etdi - YENİLƏNİB

Kamran Əliyev 5 rayona yeni prokuror təyin etdi - YENİLƏNİB

28 fevral 2024 , 12:20
Azərbaycan əsgəri Laçında yoxa çıxdı

Azərbaycan əsgəri Laçında yoxa çıxdı

28 fevral 2024 , 12:06
Mağazada saxta araqlar  aşkarlandı

Mağazada saxta araqlar aşkarlandı

28 fevral 2024 , 11:51
Qubada evdə partlayış:  ana və qızı...

Qubada evdə partlayış: ana və qızı...

28 fevral 2024 , 10:51
Axtarışda olan 141 nəfər saxlanıldı

Axtarışda olan 141 nəfər saxlanıldı

28 fevral 2024 , 10:21