İstifadəsiz məktəb ləvazimatları yandı

Beyləqanda yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, yanğın şəhərdə Təhsil Nazirliyinə məxsus ikimərtəbəli tam orta məktəbin ərazisində ümumi sahəsi 20 kv.m olan köməkçi tikilidə baş verib. Nəticədə tikilinin döşəməsi və istifadəsiz məktəb ləvazimatları 10 kv.m, dam örtüyünün yanar konstruksiyları 3 kv.m sahədə yanıb. Tikilinin qalan hissəsi yanğından mühafizə olunub.