İlhamə Quliyevanın bacısı məhkəmədə ifadə verib

Bu gün mərhum xalq artisti İlhamə Quliyevanın köməkçisi Mehriban Hüseynovanın cinayət işi üzrə məhkəmə prosesi davam edib.

Lent.az-ın məlumatına görə, hakim Bakı Ağır Cinayətlər Məhkəməsində Səbuhi Hüseynovun sədrliyi ilə keçirilən prosesdə zərərçəkmiş şəxsin hüquqi varisi, İ. Quliyevanın bacısı İradə Həsənova ifadə verib. O, istintaqa verdiyi ifadəni təsdiqləyib.

İradə Həsənova M. Hüseynovanın qanun çərçivəsində cəzalandırılmasını istəyib.

Proses sentyabrın sentyabrın 27-də davam edəcək.

Qeyd edək ki, M. Hüseynova Cinayət Məcəlləsinin 29.180.3.2-ci (külli miqdarda soyğunçuluq etməyə cəhd) maddəsinə əsasən ittiham olunur. O, İ. Quliyevanın şikayəti əsasında saxlanılıb.

Quliyeva bu il fevralın 25-də dünyasını dəyişib.