İki Türkiyə vətəndaşı ölkəsinə ekstradisiya olundu

Bu gün Bakı Ağır Cinayətlər Məhkəməsində sağlamlığa az ağır zərbə vurmaqda təqsirləndirilən türkiyəli vətəndaşları Mehmet Tekin və Hikmet Kayakin öz ölkələrinə ekstradisiya olunması ilə bağlı məhkəmə prosesi keçirilib. Lent.az-ın məlumatına görə, hakim Əfqan Hacıyev və Əlövsət Abbasovun sədrliyi ilə keçirilən proseslərdə qərar elan edilib. Qərarlara əsasən hər iki vətəndaş öz ölkələrinə göndərilib.

Qeyd edək ki, hər iki şəxs ayrı-ayrılıqda cinayət işləri ilə bağlı saxlanılıb. Türkiyədə qəsdən sağlamlığa az ağır zərbə vurmaqda təqsirləndirilən Mehmet Tekin və Hikmet Kayakin Azərbaycanda saxlanılıb. Türkiyə səfirliyi həmin şəxslərin Türkiyəyə ekstradisiya olunmasını istəyib.